सातोना खुर्द येथील शालेय समितीची निवड रद्द करून फेरनिवडणुकीची पालकांची मागणी

By -
 सातोना प्रतिनिधी सुरेश लहाने जिल्हा परिषद प्राथमिक शाळा, सातोना खुर्द (ता. परतूर) येथे नुकत्याच झालेल्या शालेय व्यवस्थापन समितीच्या निवडीवर पालकांनी आक्षेप घेत निवड प्रक्रिया रद्द करून मतदानाद्वारे फेरनिवडणूक घेण्याची मागणी केली आहे. यासंदर्भात पालकांनी मुख्याध्यापकांकडे निवेदन सादर केले आहे. निवेदनात म्हटले आहे की, दि. २७ जुलै २०२६ रोजी शालेय समिती सदस्यांची निवड करण्यात आली. मात्र, बैठकीची वेळ व निवड प्रक्रियेची पुरेशी माहिती अनेक पालकांना देण्यात आली नसल्याने मोठ्या संख्येने पालक बैठकीस उपस्थित राहू शकले नाहीत. तसेच सर्व पालकांना विश्वासात न घेता निवड प्रक्रिया पूर्ण करण्यात आल्याचा आरोपही करण्यात आला आहे. यामुळे संबंधित निवड अमान्य करून ती रद्द करण्यात यावी आणि सर्व पालकांच्या उपस्थितीत मतदान पद्धतीने शालेय समितीची फेरनिवडणूक घेण्यात यावी, अशी मागणी पालकांनी केली आहे. या निवेदनाच्या प्रती जिल्हा शिक्षण अधिकारी  (प्राथमिक), जालना तसेच तालुका शिक्षण अधिकारी, परतूर यांनाही पाठविण्यात आल्या असून प्रशासन याबाबत काय निर्णय घेते, याकडे पालकांचे लक्ष लागले आहे.     या न...
Post a Comment

राज्यातील दोन लाखावर नगरपालिका नगरपंचायत कर्मचारी दोन मे 22 पासून करणार बेमुदत काम बंद आंदोलन ....प्रलंबित मागण्याबाबत प्रदीर्घ काळापासून सरकार तोडगा काढत नसल्याने घेतला आंदोलनाचा पवित्रा......

By -


प्रतिनिधी हनुमंत दवांडे
 महाराष्ट्रातील 400 पेक्षा जास्त नगरपालिका व नगरपंचायतीचे दोन लाखापेक्षा जास्त कर्मचारी 2 मे 22 पासून महाराष्ट्र नगरपालिका नगरपंचायती व संवर्ग कर्मचारी संघर्ष समितीच्या नेतृत्वात बेमुदत काम बंद आंदोलन करणार आहे.

 महाराष्ट्र सरकार या कर्मचाऱ्यांच्या मागण्या कडे सातत्याने दुर्लक्ष करत असल्याने व नगर विकास मंत्री माननीय एकनाथ शिंदे यांच्याबरोबर ऑनलाइन बैठकीत समाधानकारक तोडगा न निघाल्याने कर्मचाऱ्यांनी काम बंद आंदोलनाचा निर्णय कायम केला आहे...

 2 सप्टेंबर 2021 रोजी नगरपालिका प्रशासन मुंबई यांच्याबरोबरच प्रदीर्घ बैठक होऊन त्याबाबत आश्वासने दिली मात्र ठोस कारवाई केली नाही. 

दरम्यानच्या काळात संघर्ष समितीने वेळोवेळी नगरपालिका प्रशासनातील वरिष्ठ अधिकारी व नगरविकास मंत्र्यांकडे या मागण्यांबाबत पाठपुरावा केला परंतु मागण्यांबाबत ठोस निर्णय झालेला नाही.

 राज्यातील नगरपालिका व नगरपंचायत कर्मचाऱ्यांना प्रत्येक महिन्याच्या एक तारखेला शंभर टक्के वेतन कोषागार मार्फत मिळावे, राज्य सरकारने सहाय्यक वेतन अनुदान ऐवजी वेतन अनुदान मंजूर करावे ,दहा- वीस -तीस वर्षे सेवा झालेल्या कर्मचाऱ्यांना आश्वासित प्रगती योजनेचा लाभ द्यावा, सातव्या वेतन आयोगाच्या फरकाची तीन हप्ते मिळावेत, नव्याने झालेल्या नगरपंचायत येथील सफाई कामगारांसह सर्व कर्मचाऱ्यांना विनाशर्त विनाअट समावेशन करावे, सर्व नवीन नगरपंचायत मधील सफाई कर्मचाऱ्यांची आकृतिबंध यामध्ये पद निर्मिती करावी ,सेवेत असताना मयत झालेल्या सफाई कर्मचाऱ्यांच्या वारसांना वारसाहक्काने किंवा अनुकंपा योजनेअंतर्गत नियुक्ती द्यावी, नगर परिषदेचे थकित सहाय्यक अनुदानाची रक्कम त्वरित मिळावी, सेवानिवृत्त कर्मचाऱ्यांना त्यांची कायदेशीर देणी एकरकमी द्यावीत तसेच दरमहा निवृत्ती वेतन एक तारखेला द्यावे, हंगामी व ठेकेदार कर्मचाऱ्यांना समान कामाला समान वेतन या सर्वोच्च न्यायालयाच्या निर्णया प्रमाणे वेतन मिळावे तसेच सर्व कायदेशीर लाभ मिळावेत या मागण्यांसाठी हे काम बंद आंदोलन करण्यात येणार आहे .

या आंदोलनामध्ये महाराष्ट्रातील सर्व 400 नगरपालिका नगरपंचायती मधील 2 लाखावर कर्मचारी सहभागी होणार असून मागण्या मान्य होईपर्यंत कोणत्याही परिस्थितीत दोन मे पासून बेमुदत काम बंद आंदोलन करण्याचा निर्धार महाराष्ट्र नगरपालिका नगरपंचायती व संवर्ग कर्मचारी संघर्ष समितीने केला आहे.
डॉक्टर डी एल कराड.,अँड सुरेश ठाकूर.,डी पी शिंदे.,रामगोपाल मिश्रा.,सुनिल वाळुंजकर.,संतोष पवार
.पोपटराव सोनवणे.,रामदास पगारे आदि माहिती दिली

Comments

Post a Comment

Popular posts from this blog

आपुला तो एक देव करुनी घ्यावा*-ह.भ प पूरूषोत्तम महाराज

By -
तळणी : मंठा तालुक्यातील तळणी येथे गणेशोत्सवाच्या निमित्य महाराष्ट्रातील प्रसिद्ध किर्तनकार विदर्भरत्न ह भ प पूरूषोत्तम महाराज पाटील यांच्या एकदिवसीय हरी किर्तनाचे आयोजन तळणी  परीसरातील प्रसिद्ध युवा उद्योजक शरद पाटील व भगवान देशमुख याच्या वतीने या किर्तनाचे आयोजन करण्यात आले होते जगदगुरु तुकाराम महाराज यांच्या    *आपुला तो एक देव करुनी घ्यावा* *तेणे विन जिवा सुख नोहे* *येरती माईक दुःखाची जनीती* *नाही आदी अंती अवसान*  या अभंगावर सुंदर निरूपण केले सध्य स्थितीचा काळ हा मानव जातीच्या परीक्षेचा काळ आहे धर्ममंडपात बसलेली लोक ही खरच भाग्यवान आहेत कोरोना सारख्या महामारीत आपंण जिवंत आहोत या महामारीतून जर आपल्याला वाचायचे असेल तर धार्मीक विचाराचा आधार आपल्याला घ्यावाच लागेल महामारीच्या काळात वारकरी सप्रदायच खूप मोठा आधार आहे सध्य स्थितीत मानव जातीची मानसीक अवस्था सक्षम असणे गरजेचे आहे कोरोना ने मानवी जीवनातील गरजा कीती कमी आहेत यांची जाणीव आपल्या सगळ्याना करून दीली आहे  मनुष्याच्या आयुष्यातील नामसाधना ही त्याच्यासाठी खूप मोठा आधार असते परतू आज काल तीच साधना करण्याचा आळस आ...
Read more

भगवत भक्ती शिवाय मनुष्याला सुखाची प्राप्ती होणार नाही, बेलोरा येथ तीन दिवसीय श्री गीता रामायण संत्संग व ज्ञानयज्ञ सोहळ्यात प पू . आनंद चैतन्य बापू यांचे प्रतिपादन

By -
Image
तळणी प्रतिनिधी रवी पाटील   चौयार्शी लाख यौन्नी तून मिळालेला हा नरदेह भंगवत कृपेनेच मिळालेला आहे . हे मानव शरीर एकदाच मिळते हे परत परत मिळणार नाही याचा उपयोग आपण भगवंत भक्ती साठी च केला पाहिजे पाप आणि पुण्याचा संचय सारखे असतील तेव्हाच मनुष्य जन्म मिळतो . . परतू पुण्याचा संचय जर जास्त असेल तर तुम्हाला स्वर्गातील देवत्व प्राप्त झाल्याशिवाय राहणार नाही . मानव शरीर हे हिर्यापेक्षा अनमोल आहे त्या शरिराला इंतर सुंगधाचे व्यसन लागण्यापेक्षा भगवत भंक्ती चे व व्यसन लावा म्हणजे या नरदेहाचा उपयोग होईल . चार कुपा या मनुष्यावर होत असतात यापैकी भगवत कृपा ही पुण्यवानालाच होत असते . भगवंताच्या भजनाने या नरदेहाचा उद्धार होतो गरज आहे त्याला मनापासून आळवण्याची असे प्रतिपादन प पू चेतन्य बापू याचे कृपा पात्र शिष्य आनंद चैतन्य बापू यांनी तळणी येथून जवळच असलेल्या बेलोरा येथे केले तीन दिवसीय गीतारामायण संत्संगाचे आयोजन करण्यात आले आहे . या कलयुगात प्रत्येक मनुष्य दुःखी आहे थोडे थोडे सगळेच दुःखी आहे या संसारात तुम्हाला कोणीच सुखी नजरेला येणार नाही . धनाने सुखी असतील पण शरीर व्याधी...
Read more

स्थानिक गुन्हे शाखेची कारवाई जालना शहरातील घरफोडीत सराईत आरोपी जेरबंद करून तीन तोळे वजनाचे सोन्याचे गंठण केले हस्तगत

By -
Image
जालना प्रतीनिधी नरेश अन्ना  जालना शहरातील अंबड चौफुली भागातील , योगेश नगर येथील चोरी प्रकरणी तालुका पोलीस ठाणे जालना येथे गुरनं.373/2024  कलम 457, 380 भादवी प्रमाणे गुन्हा दाखल करण्यात आला होता, सदरचा चोरीची घटना 8 जून 2024 रोजी रात्री दोन वाजेच्या सुमारास घडली होती, सदरचा गुन्हातील आरोपी शोध घेणे बाबत जिल्हा पोलीस अधीक्षक अजय कुमार बंसल यांनी स्थानिक गुन्हे शाखेचे पोलीस निरीक्षक पंकज जाधव यांना सूचना दिल्या त्या अनुषंगाने पोलीस निरीक्षक स्थानिक गुन्हे शाखा जालना यांनी पथकातील अधिकारी व अंमलदार यांना सदरचा गुन्हा उघडकीस आननेबाबत सूचना देवून मार्गदर्शन केले, त्या अनुषंगाने दिनांक 20 ऑगस्ट रोजी स्थानिक गुन्हे शाखेतील पोलीस अधिकारी व अंमलदार हे नमूद गुन्ह्यातील आरोपी गोपिसिंग प्रल्हाद सिंग टाक या गुन्हेगारास  गांधीनगर येथून ताब्यात घेऊन त्याच्या कडे गुन्ह्याच्या  चौकशी केली असता  गुन्ह्याची कबुली दिली गुन्ह्यात चोरी केलेले तीन तोळे वजनाचे सोन्याचे गंठण हस्तगत करण्यात आले       सदर ची  कार्यवाही अधीक्षक अजय कुमार बंसल...
Read more